രാജി

രാജിയാവലോ രാജി വെക്കലോ

ഏതാണ് രാജി ?

രാജിക്കത്ത് കീശയിലിട്ടു

അയാളെന്നും

ഓഫീസിലെത്തി .

തടിച്ച ഫയലുകളില്‍

മുഖം പൂഴ്ത്തി

അയാള്‍ നഷ്ടപ്പെട്ടു .

എതിരെയിരിക്കുന്നവളുടെ

അര്‍ദ്ധവൃത്താ കാര പുരികക്കൊടികളില്‍

പുച്ഛം ഉറഞ്ഞു നിന്നിരുന്നു .

കത്തും എണ്ണക്കിണറാം കണ്ണുകളില്‍

പൊങ്ങച്ചത്തിന്‍ തീയും പുകയും

കെട്ടടങ്ങിയിരുന്നില്ല.

ബോസിന്നനാവശ്യ വിളിപ്പിക്കലുകള്‍

അറ്റെന്‍ഡറിന്‍ മീശ പിരിച്ച നോട്ടം

തൂപ്പുകാരിയുടെ അനിര്‍വചനീയമാം ചിരി .

നാട്ടിലെ ചൂടും കടങ്ങളും

പെരുകി വരികയല്ലേ

രാജിയാവുന്നതാണ് നല്ലത് .