വെറുതേ?

സദാചാരപോലീസല്ല.

അരാജകവാദിയല്ല.

പ്രണയിച്ചിട്ടില്ല

പ്രണയിക്കപ്പെട്ടിട്ടില്ല.

കടം

വാങ്ങിയിട്ടില്ല

കൊടുത്തിട്ടില്ല.

(വല്ലതും വേണ്ടേ?)

ബേങ്ക്ബാലന്‍സില്ല

അക്കൗണ്ട്‌

പോലുമില്ല.

ഒരക്ഷരം

പോലുമെഴുതാറില്ല.

വായിക്കാറില്ല.

യാത്രയില്ല.

സിനിമ

കാണാറില്ല

അഭിനയിക്കാറില്ല

അഭിനയിക്കാനറിയില്ല.

പിന്നെന്തിനാണെന്നെ

ഹാക്ക്‌ ചെയ്തത്?

മേഘങ്ങളില്‍ നിന്ന് വര്‍ഷിക്കുന്നത്

മഴയല്ല

മഞ്ഞല്ല

വെയിലല്ല

മഴവില്ലല്ല

പ്രണയമല്ല

മരണം മാത്രം 

revolution malayalam shortfilm

like in a field,there may b various issues in my vayal[field]

ഒസ്യത്ത്

പുസ്തകം കൊണ്ടൊരു

വീട് പണിയണം.

മഴയും

വെയിലുമേല്‍ക്കാതിരിക്കാന്‍

ചുറ്റും

മരങ്ങള്‍ നടണം.

വിയര്‍പ്പ് കൊണ്ട്

കഴുകിയുണക്കണം.

ചോര കൊണ്ട്

പെയിന്റടിക്കണം.

സ്വപ്‌നങ്ങള്‍

പൂന്തോട്ടമാകണം.

കണ്ണീരു കൊണ്ട്

പാല് കാച്ചണം.

അസ്ഥി കൊണ്ട്

പാലമിടണം.

ജീവിച്ചിരിക്കുമ്പോള്‍

പാലം വലിച്ചവര്‍

മരണാനന്തരം കടന്നു വരട്ടെ.

കണ്ടെടുക്കേണ്ടത്

നീയിങ്ങനെ

നേര്‍ത്ത്‌ നേര്ത്തിരുന്നാല്‍

നിസ്സമ്ഗയും

നിര്‍മമയുമായാല്‍

ശബ്ദം

അല്പസ്ഥായിയിലും താഴെ

വീണു പോകുമ്പോള്‍

എഴുതിയതില്‍

നഷ്ടപ്പെടുമ്പോള്‍

പടുത്തുയര്‍ത്തിയ

സാമ്സ്ക്കാരികസൌധം 

കൂപ്പുകുത്തുമ്പോള്‍

ക്ലേശപ്പെട്ടു നിറച്ച

പ്രണയപാത്രം

ശൂന്യമാകുമ്പോള്‍

വാക്കെന്റെയാരുമല്ല.

നാനോ

വീണപൂവിന്റെ

ദൈന്യതയെ

ക്ഷണികതയെ

സൂചിപ്പിച്ചപ്പോള്‍

അനാട്ടമിയെക്കുറിച്ചാണ്

നീ

പറഞ്ഞത്.

പൂവിന്റെ

ജീനസും സ്പീഷീസും

ക്ലാസും ഫാമിലിയും

ഏതെന്നു

നീ തിരക്കി.

ശാസ്ത്രീയനാമത്തെക്കുറിച്ച്

വ്യാകുലയായി.

എത്ര മാര്‍ക്കിന്റെ

ചോദ്യമായിരിക്കുമെന്നും

എത്ര വാക്കുകളില്‍

വിവരിക്കണമെന്നും

ആകുലയായി.

വീണസമയം,

നക്ഷത്രം,

ജാതകമെന്നിവയില്‍

മുഗ്ദ്ധയായി.

ടൈംമെഷീനും

ഫ്രാങ്കന്‍സ്റ്റൈനും

വായിക്കാന്‍ പറഞ്ഞപ്പോള്‍

ഗൈഡുകള്‍ കിട്ടുമോയെന്ന്

നീയന്വേഷിച്ചു.

അതെ,

എല്ലാ സംവാദങ്ങളിലും

ഞാനാണ്

തോല്‍ക്കുന്നത്.

ചില ജീവസന്ധാരണപ്രശ്നങ്ങള്‍

ഭാഷയാണിന്നും പ്രശ്നം

അവരെന്റെ ഭാഷയില്‍ മാത്രം

കയറിപ്പിടിച്ചു

പാഠത്തില്‍ നിന്നും

പുറത്താക്കുന്നുവെന്നാണല്ലോ

വിജയന്‍ മാഷ്‌ പറഞ്ഞത്.

വേദഗ്രന്ഥങ്ങള്‍ പോലും

മാറി.

ഭരണഘടന,

പ്രോട്ടോകോള്‍,

പാരമ്പര്യരീതികളെന്നിവ

ഒരിക്കലും മാറരുത്.

മതങ്ങള്‍

സ്ഥാപനവല്‍ക്കരിക്കപ്പെട്ടു.

മാറാതെയിന്നും

മലയാളി.